El Koom El Taweel

الكوم الطويل
 
الرئيسيةالبوابةالتسجيلدخول

اهلا ومرحبا بكم فى منتدى الكوم الطويل **** خالص تحياتى **** خالد بدر



شاطر | 
 

 حكاية مخيمر مع ازمة السولار بكفرالشيخ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mhmz64



عدد المساهمات : 8
السٌّمعَة : 0
تاريخ التسجيل : 29/11/2010
الموقع : مدونة المحاسب محمد محمود عبدالفتاح

مُساهمةموضوع: حكاية مخيمر مع ازمة السولار بكفرالشيخ   الإثنين مايو 16, 2011 3:19 am

شعر
المحاسب / محمد محمود عبدالفتاح
********
بافتح شباكى الصبحيه
ألقا طوابير
واقفل تانى بعد المغرب
ألقا طوابير
جرا إيه يا ولاد
إيه اللى جرا للعربيات
والجرارات واقفين راخرين
وجراكل ويّا الفلاحين
هيّه الثوره طرحت بنزين
ولا البنزينه بتوزّع زيت التّموين
دورت انا راخر على جركل
ونزلت اجرى ع البنزينه
وبعت رسايل لاصحابى
علشان ييجو همّا راخرين
ويجيبوا جراكل ويّاهم
ويجيبوا بطايق تموينهم
والقيد العائلى إن أمكن
وشهايد ميلاد أولادهم
ويصوّروا بطايقهم صورتين
واحده هوديها البنزينه
والثانيه هاخد بيها منهم
سمسره ع الجركل لترين
وقعدت احلم
واحسب
يعنى لو ميت واحد يبقا
عندى
ميت جركل فى اتنين
يبقوا ميتين
وهيتباع اللتر الواحد بثلاثه جنيه
والّلا دى صفقه
رزق وجالك
هيّص يا مخيمر واتمرّغ ف العز يومين
وبقيت نازل
وانا كلى سرور
والقلب من الفرحه عاوز
يفلق صدرى
ويطير طيران ع البنزينه
وحجزت الدور ف طابور طوله
بعد الواسطه إتنين كيلو
وعبال م وصلت البنزينه
كان عدى عليّه سبع ايام
بايت ف الطّل
لحد مجانى
الربو وكحه وسخونيه
وحرارتى عدت بِِِعد الشر
عن السامعين تسعه وثلاثين
القصد وصلت البنزينه بعد المعاناه
لكن إحساسى بالمكسب
ف المستقبل
كان بيهون كل الأحزان
كان بيحسسنى انى بحقق فعلا إنجاز
وأخيراً حطّيت الجركل
قدّام العامل
ياسلام
على أنتكته
وعلى تريقته
د كأن بناكل من بيته
ولا البنزينه كات ملكه
متقولش وارثها عن جده
حط الجركل…
حطينا الجركل خلصنا
إدفع ياله قبل م اكيل
الجركل يا جماعه بخمسين غير الدخان
قلنا موافقين
فيه حاجه كمان
قال هات الوصل وحصّلنى ع الباشبورى
انا رحت دفعت وحصّلته ع البشبورى
قام حاطط ف الجركل
قال إيه
يا جماعه
حبة جاز
قلت له
إنتا بتهبّب إيه
بتحطّلى جوّا الجركل جاز
قال امال اكيل أي يا أستاز
قلت له أستاز
وبكيّل جاز
أنا عاوز منك زيت تموين
قال إيه تموين
دا انتا باينك راجل مهفوف
متخرج من عش المجانين
إيه جاب الزيت
للبنزينه بتاع البنزين
أنا كنت مفكّر بنزينتك عمّاله توزع زيت تموين

قال لأ دا الجاز شاحح خالص
وعشان الجاز
الناس جايين
رديت انا آسف يا معلم
إدينى فلوسى
وخدت فلوس
وقمت مروح على بيتنا
أفتح شباكى الصبحيه
ألقا الطّوابير
واقفل تانى بعد المغرب
ألقا الطّوابير
أضحك
واضرب كف بكف
واقول يامخيمر
الشعب المصرى مش ممكن يوم يتغير
هيقضى حياته ف الطوابير
وهنفضل دايما يا مخيمر
حبة طراطير
الرجوع الى أعلى الصفحة اذهب الى الأسفل
 
حكاية مخيمر مع ازمة السولار بكفرالشيخ
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
El Koom El Taweel :: القسم الادبي-
انتقل الى: